LOS (LAS) DE L'EXILH

 

Lo projècte exilhats a per objectiu d'acampar los occitans en defòra d'Occitània, de crear una estructura que permete de favorisar las iniciativas occitanistas a cò dels exilhats.

Traparètz sus aquel sit de mejans de nos contactar mas tanben d'informacions sus nòstres partenaris e l'Occitània en general.

 

Quales sèm ?

Sèm d'òmes e de femnas, occitan-a-s d'origina o de còr, que demòran en defòra d'Occitània. D'unes son militant-a-s o simpatizant-a-s de maitas estructuras (politicas o culturalas) mas la nòstra primièra tòca es de crear un malhum de solidaritat entre los exilhats e de favorizar l'espandiment de la consciencia occitana tan coma sa cultura.

 

Los (Las) Exilha-t-da-s, qu'es aquò?

A la debuta, lo moviment dels Exilhats foguèt creat per de militants del CRÒC (Corrent Revolucionari OCcitan). N'es donc una seccion autonoma.

Pr'aquò nòstre prètzfach es pas de far de totes los Exilhats occitans de militants del CRÒC, luènh d'aquò... Es per aquesta rason, qu'a costat de la seccion Exilhats del CRÒC, nòstre objectiu es trabalhar amb de gents qu'an pas forçadament las meteissas opinions, dins un domèni mai consensual (ajuda a la creacion d'associacions, campanha per la reconeissença de la lenga, espandiment e promocion de la cultura nòstra). Per far cort, podèm dire que sèm totes a nòstra escala d'ambassadors de la cultura occitana dins los parçans onte vivèm...

Nòstras activitats...

- Edicion de"Los de l'Exilh", bulletin trimestrial que pòt èsser recebut a gratis. Per aquò, cal escriure a Laurenç GUTIERREZ, 109 rue de Longvic, 21000 Dijon o nos mandar un E-mail: exilhats@fr.st

- Ajuda a la creacion d'associacions (conselhs, fichièrs d'exilhats per trobar de camaradas dins son parçan...)

...e tot çò que poirètz prepausar se nos jonhatz...